下星期開始，相信不少小朋友都會開始放暑假，開始投入課外活動嘅繽紛假期，適逢今年倫敦奧運，不妨為心肝寶貝們打做型格SportyLook！過一個難忘夏天！
記者：陳家蕊
攝影：伍慶泉
Model:Yellow、Ryan、Ryan@PureModels
鳴謝：黃埔新天地Kidzone（21218344）
藍橙紅至潮
要數運動界最火熱牌子，一定離不開adidas，而佢旗下嘅adidasOriginals，更加係年輕人最愛，此系列靚玩經典款式，再加上時尚潮流材質及配色等元素，就成為了時尚運動風格系列。
今季繼續運用品牌標誌的三葉草，加上夏日繽紛色彩打造出最新童裝款式，經典藍色與橙紅色更備受重用，相信定必成為今個夏天指定色彩！
日本設計師YohjiYamamoto與adidas合作的潮牌Y-3，童裝款式一向不多，但夏天款式亦同樣多用上藍及橙紅兩色，在男生運動褲的剪裁上，更大膽加入西褲與低襠褲的設計；須知一般運動褲已經多數係低襠設計，今次再進一步加低，感覺更與眾不同！
韓流 玩星星橫間
近年少女時代、SuperJunior還有BigBang等，橫掃香港的韓流熱度有增無減！韓國的衣着亦成為大家跟風對象，專賣韓國直送童裝的Kidz-me負責人就話，今季星星加橫間是韓國熱爆之選。
星星加橫間兩者的結合，與紅足幾十年的日本橫間風相比，感覺十分與別不同，完全自然滲出韓味來！不要韓風愛美國？亦可選擇美國標誌的迪士尼童裝，今個夏天米奇與米妮遇上奧運，也化身成運動健兒，棒球、籃球、網球樣樣玩齊，讓小朋友在運動場上也感受到迪士尼的奇幻旅程。
家長最愛 奧運版汗衣
如果不是玩特別運動，還是來一件吸汗的短袖汗衣較實際！平時出街汗流浹背的時候，又可以方便帶多件替換；adidas為今年奧運推出了特別版印花汗衣，有扮作火炬手的三葉仔，與印上不同國旗的足球圖案作選擇。最正係衫上沒有老土印上2012的年份字眼，着到下年都唔會「過期」！
另外其背面更加印有72的字樣，其實代表的是三葉標誌在1972年正式問世，如此特別款式，買作收藏也不錯！
a.adidas（27300157）
b.Y-3（27307115）
c.Kidz-me（22622063）
d.kidsWonderland（23560734）
e.Gigasports（21159930）