時裝人或慨嘆,RafSimons入主Dior、YSL被新任主帥HediSlimane正名SaintLaurentParis……巴黎時裝界雖風雲變色,但有些經典,百多年來堅守信念,且歷久不衰,如戶外用品老牌AIGLE。新店追溯舊時法蘭西情懷,將三四十年代的香榭麗舍浪漫風情、相片中的黑白記憶實體化,移植中環戲院里,連劉心悠(Annie)都穿着最愛的雨靴踩場。
撰文:林又家
攝影:伍慶泉
分唇信徒
心悠雖然從未踏足法國,但亦醉心法國藝術和文化,「法國人自成一格,相信自己的文化。睇法國電影時,成日覺得法國女仔特別有自己嘅味道,好有魅力。」她笑稱愛聽帶法文口音的英文,特別Sexy,「法國人畀人感覺好講究,佢哋好重視Relaxation,有次影相合作,話TakeaBreak就是一個鐘頭!但我都好認同!」
說起法國時裝,心悠話平日都好留意網上的法國街拍,「好實用,好多嘢可以Mix&Match,唔係一味着貴衫,(配襯的竅門)Daily都可以用到,好有啟發性。而且日本流行的風格,好多都係源自於法國。」嬌滴滴的她給人Girly的印象,但原來平日揀衫着重「分唇奴」,「我自己好相信買衫要美觀同埋Function嘅理念,可以帶嚟實際方便,着得好開心又舒服。」像法式的OutdoorLook,TrenchCoat、BoarderTee都是她杯茶,「不過橫間衫着上身要好小心,視覺上會拉闊咗,我會揀較闊身的剪裁,視覺上更舒服;MarineStyle就令我諗起紐約的NavyDay,亦令人聯想到水手Look,坐船出海,提醒人Relax有幾重要,因為令到你覺得,應該要放假喇!」
度假風時裝
心悠是馬拉松常客,原來亦愛玩戶外活動,平日沒有機會出外探索,特別嚮往上山下海的假期,「對我來說,放假就係要做啲工作做唔到嘅嘢,最Perfect就係一班人去Hiking。我好怕凍,冬天滑雪唔啱我。」所以放假旅行目的地,必要有陽光與海灘,讓身心都放鬆同時放縱,「曬太陽、游水、食啲平時覺得好肥嘅嘢!」南法馬賽、康城的蔚藍海岸,都應該合乎女神的要求。
經典藍靴限推
講到法國OutdoorBrand,自然想起以橡膠水靴起家的AIGLE,其經典BlueBoot誕生於1972年。今年慶祝40周年,推出限量版Regate72,全球限量1972對,由工匠於巴黎夏德勒侯小鎮工場以人手製造。鞋身印有Regate標誌,設計簡約,以簽名式的白色雙間點綴。着住呢對MarineLook的ClassicItem,無論出海、去沙灘定係落雨出街都Fit晒!新開幕的中環概念店更是全亞洲率先開賣的地方。除此以外,AIGLE最近又夾埋英國碎花王Liberty玩別注花花水靴,着上身更開心。
AIGLE(25222568)
中環德輔道中20號德成大廈地下1號舖