車路士喺禮拜四開操,唔少主力都未歸隊,今夏用咗球會3,200萬鎊(約3.9億港元)買返嚟嘅比利時國腳夏薩特(圖)自然成為焦點。呢位21歲中場都知道自己雖然身價不菲,但都要靠表現去搶正選位:「我知道冇表現就冇正選,但深信可以喺車路士成功。」06年加盟車路士但最後黯然離隊嘅烏克蘭「軍刀」舒夫真高,就有傳會同藍戰士再次合作。據來自佢效力球會基輔戴拿模嘅消息,話軍刀拒絕咗一間美職聯球會提出嘅優厚合約,打算返去車路士撈番一官半職。