鄭融、鍾舒漫及江若琳等前晚到將軍澳電視廣播城為無綫《2012翡翠歌星紅白鬥》進行綵排，鄭融自言今次歌舞十分難，整個星期都要留守TVB做綵排，歌衫亦需一星期前訂做，故要保持身形。
鄭融坦言與舊愛劉浩龍（師兄）近日沒聯絡，但對其動向卻一清二楚，她說：「佢忙拍劇，我忙其他嘢，聽聞佢好早瞓，佢係嗰種得啦我冇問題嘅男仔，唔想人擔心佢。」至於當年分手原因，鄭融避忌稱時間已久，無意再重提：「大家係朋友好開心。希望佢工作愉快，我知佢好似開朝六又收得晏，又要睇劇本，又要早瞓，之前喺電話交流近況，如果佢得閒會叫佢請食飯。」
鍾舒漫強調不擔心祖兒會因感情問題影響演出，並大讚祖兒專業說：「我冇問佢感情事，佢需要私人空間，總之支持同祝福佢哋。」提到老闆楊受成指劉浩龍公開戀情是笨和鹵莽，她就認為人人選擇不同，亦相信他做事前已考慮清楚。
採訪、攝影：譚倩宜