當年憑性感出位嘅嚴淑明，有段時間冇見，近日佢有新搞作，喺台北為代言嘅護膚品拍廣告，佢着住白裙身形好靚，皮膚仲好白。嚴淑明話拍護膚品廣告係自小嘅夢想，雖然今次唔係第一次拍，不過依然覺得好開心。嚴淑明身材豐滿咗，佢話厭倦過去太瘦削嘅身材。拍攝當日陽光好猛，搞到嚴淑明流晒汗，不過佢都冇半句怨言，果然夠敬業樂業。