昨日一個探討香港地產市場的seminar全場爆滿，咁多人聽，因新班子上場後好多人都關心房屋新政對樓市的影響。儘管CY支持者滿口歪理話八萬五同樓市下跌無關，事實勝於雄辯，原來董建華上台後99年的新屋供應已達標逾八萬個，2000年更超標達九萬個。
大行及業界研究員引用樓價與按揭利率、失業率數字確證其相關性極高，即按息及失業率越低，樓價越高，且是近乎全球通用。但在99至01年同期，按揭利率急跌4厘以上，本港失業率也逐漸回落，然本港樓價同期下跌22%，全因供應實在太多，市場承受不了。八萬五數字有幾高？98年新增物業供應也不過53000個，2000年供應量突然急增了八成，較之前十年平均每年6萬個以下亦顯著上升，絕對是港版大躍進。
樓價由97年高峯跌至03年低谷暴跌了七成，幾多人死都唔掂，可想而知。疑似董朝遺毒復辟的CY新政，業界估計新供應大部份來自公屋，且在2014年達到3萬個新供應的高峯，但私樓供應卻不會突然大增，至少亦要幾年後才推出市場。
唱好報告陸續有來
雖然新增供應上升，但分析員估計樓市大型上升周期至2014年才有可能回落，真正見頂要至2017年，主要同美息上升及中國經濟下滑等因素有關。大行出口術，主要都係告誡新政府咪又嚟八萬五，亦都估CY不至於重覆犯錯。近日地產股如信和置業（083）、嘉里建設（683）及太古地產（1972）強勢非常，估計唱好地產股報告陸續有來。
歐陽風