下月開演唱會嘅太極，噚日喺新城受訪，但成員劉賢德因為有其他嘢忙而缺席。問太極嚟緊個演唱會同上一個有乜唔同？鄧建明（Joey）就話：「最大分別咪係嘉賓囉，原來我哋一路冇邀請過夏韶聲做我哋嘉賓，真係越近嘅嘢越唔記得。我同Patrick（雷有暉）可以話係跟佢出道，因為嗰時我哋兩個都係幫佢唱和音，可謂相識於微時。」