謝婷婷昨日為髮飾活動行騷，大爆謝家各人「頭髮的秘密」。婷婷踢爆母親狄波拉有鋪幫人吹頭的癮，父親謝賢就多年來都不用洗頭水，只用髮尾油潤髮；至於謝霆鋒就更連頭都不愛洗，頭味連她都不敢靠近，取笑阿哥應擔任長效髮泥代言人。
謝婷婷和女模林莉、翻版徐子淇鍾浠文等昨日在中環為法國髮飾行騷，懷孕七個多月的李樂詩和梁漢文老婆Karen等則在台下睇騷。婷婷重視髮型，更大爆謝家中人的頭髮趣事，她說：「媽咪好鍾意幫屋企人吹頭，我細個、哥哥、爸爸佢都要吹，家佢應該幫UncleKong吹。」
四哥髮尾油潤髮
問到拉姑有否傳授美髮秘方，婷婷說：「老竇就有，佢話洗完頭要用髮尾油潤髮，仲話防甩頭髮，唔好用洗頭水洗頭，只用清水洗喎。佢自己信又要逼我跟，我哋兩個頭點可以比較。」哥哥霆鋒應該聽四哥話，婷婷忍不住笑說：「佢最organic，乜都唔用，連水都唔用。」她謂不知霆鋒最長多久不洗頭，只暗笑說：「總之叫我挨埋去（佢個頭），就真係唔得喇。」婷婷似乎怕講錯，笑住補鑊說：「佢唔臭，好香好香呀！」
之後婷婷踢爆男友安志杰（Andy）透露霆鋒不愛冲凉，兩人試過拍戲同房，安志杰要致電婷婷呻：「Andy話同阿哥講有新毛巾，阿哥就話：Idon'tneedit（我不需要）！」婷婷越講越high，更笑：「阿哥應該代言longlasting嘅髮泥同髮膠，哈哈。」
李樂詩陀B辛苦
此外，李樂詩肚大如籮，她指常被誤會懷胎十月：「人哋以為我就生，其實我8月中先生，不過今次真係辛苦咗，行一陣就成日要坐低。」她謂今次會順產：「想感受吓生仔嘅感覺，知道會好痛，但可以打麻醉藥，應該OK。」她正為囝囝改名而煩惱，更請定24小時陪月。
採訪、攝影：盧妹