恨生BB嘅幸福少奶奶關心妍（Jade），噚日獲公司揼本為佢喺銅鑼灣舉行新歌《失戀哲理》嘅發佈會，高層黃柏高仲透露首歌係佢親自去韓國用重金傾番嚟。Jade好多謝公司厚愛，嚟緊9月21日開埋新碟音樂會後會專心造人，佢話：「老公為遷就我工作都等咗好耐（造人），加上知道醫院床位好緊張，若果到有咗冇位，就飛返加拿大生。」