郭秀雲兒子錢景峰與媽模陳靜儀（Mia）分手後身邊美女不絕，雖然近日他搭上在英國讀書的靚女Erika，但前晚卻見他撇低女友偕長髮美女到中環夜蒲。錢景峰還到櫃員機㩒錢給長髮女伴，認真豪爽。
錢景峰曾與媽模陳靜儀及許穎師妹蕭美卡（Mika）拍拖，最近再搭上在英國留學的Erika。不過，前晚記者卻發現他撇低女友偕另一長髮美女夜蒲。
前晚10時半，記者發現錢景峰與一長髮靚女路經中環鏞記酒家，之後錢景峰到櫃員機㩒錢，他㩒完錢匆匆畀錢靚女，靚女隨即將錢放入手袋中的銀包內。之後兩人步行到置地廣場，錢景峰沿途不時打雀咁眼望實靚女，又指手劃腳跟她講不停。
學父顯身手
錢景峰與靚女行到置地廣場與一男一女友人會合後便各自各精采，錢景峰跟男友人上了置地寫字樓密斟，長髮靚女則偕女友人到附近餐廳飲嘢吹水。約一小時後，錢景峰單拖離開置地往威靈頓街鏞記附近攞車，其間他忽然又跳又跑，尤如其動作演員父親錢小豪般大顯身手。
錢景鋒昨晚被問是否又換畫，他說：「唔係，嗰個係我朋友嘅女友。」為何㩒錢給她？他說：「我欠朋友300蚊，咪㩒畀佢女友叫佢幫我還囉。」
採訪、攝影：梁繼光、羅德光
