【本報訊】前民主黨創黨副主席張炳良一登上問責局長寶座第三天即時變臉，拒絕回應是否支持平反六四，稱如今要先掌握事實真相，民主黨張文光昨情緒激動地踢爆張「變臉」，指該黨創黨首個決議，就是通過「平反六四」，當時張炳良是民主黨的副主席。張文光直言對張炳良轉軚感極度痛心和失望，要與他劃清界線。
「佢支持平反六四廿年」
張文光昨日在立法會語帶激動地表示，聽過張炳良前日在電台稱如今要先了解六四真相，又三度拒絕回應是否支持平反六四的言論，感到相當傷心、痛心、失望和憤怒：「佢支持咗平反六四廿多年，家先話嚟要了解事實，咁你（張炳良）係咪覺得咁多年嚟俾人搵老襯？」
張文光指，即使張炳良在曾蔭權年代，出任行政會議成員時，私下與泛民溝通也是支持平反六四：「張炳良應該同梁振英講，『你叫得我做局長，就應該知道我平反六四嘅立場』，佢係唔應該動搖呢個立場！」
他透露，民主黨當年創黨，黨內通過第一個議案，便是支持平反六四，可見當時黨內人人也對此立場是何等堅定不移，而當年民主黨副主席張炳良亦有份支持，可是張炳良如今的「變色」立場，令張文光不能再相信這位前民主黨戰友，能反映泛民主派在普選、政改的立場，要與他劃清界線。