剛於理大畢業的陳同學，憶述在學時期的「輕狂」炒股歲月，但他見過鬼已怕黑，未投身社會已由進攻變穩陣。
學生fb開專頁論股
他於07年完成中五會考後，便炒作細價股，並曾令其身家翻兩番至3萬多元，最終打回原形；然後陳同學轉攻窩輪牛熊證，當時只懂得收回價、不懂引伸波幅的他，原本落場邊炒邊學，但半年內已蒸發一半本金；直至考上大學，陳同學便轉為更穩陣的策略，睇國策捉龍頭股，通常持貨一至兩個月，雖然波幅較小，但表現總算能與大市同步。
近期港股太過波動，就讀樹仁大學的馮同學見證校園炒股氣氛減退，「實在估佢（港股）唔到，外圍有好消息，港股都唔跟，所以大家都係睇多過買。」他亦形容大學生炒股「小心、穩陣兼騰雞」，雖然為股份進行基本分析，但買入後跌少少就驚，然後快手沽出，遇上大跌又不懂止蝕及止賺，結果短炒變長揸。
現今市場產品多，大學生對任何能炒的投資產品均有興趣，亦以不同類型的資訊作參考。有學生於facebook開設專頁，討論正股、窩輪、牛熊證及期權等，更有人聲稱買入引伸波幅逾70%之期權。