社民連立法會議員梁國雄在6.30示威，親身「體驗」警方大支裝胡椒噴霧的威力；他形容大支裝噴霧噴射力更強、射程範圍更廣，更質疑成份更毒。他痛斥警務處助理處長趙慧賢，稱新舊噴霧「同等武力」是講大話。
要求警方交代
梁國雄表示昨日洗澡時，「中椒」部位仍感灼熱，懷疑噴霧含毒素，要求警方詳細交代，「警方唔公佈用乜對付示威者係錯嘅，因為立會有權監察警方有否使用過份武力，我睇唔到警方有必要追住記者同示威者噴。」
「長毛」昨回看被「椒炮」射中面部的相片時，只能憑T恤認出自己，「完全睇唔到塊面，呢幅嘢用嚟拍驚慄片就差唔多。」對於警方拒公開大支裝噴霧的詳細資料，他要求「如警方話係機密，要解釋點解係機密。」
FM101成員Iris，在4.1中聯辦門外曾被舊式細支裝胡椒噴霧射中，灼傷手臂和頸，用清水洗淨後繼續行動，回家洗澡感少許灼熱；到6.30時，她身旁示威者遭椒炮襲擊，濺得她全身都是胡椒噴霧。她形容當時刺鼻如催淚氣體，「痛到以為隻手腐爛緊，比上次灼熱10倍。第二日行7.1仲痛緊。」她呼籲示威者日後帶備風褸及護目鏡，「用呢隻噴完太痛，冇乜抵抗能力，頂兩嘢就收皮。」
新款效力持久
FM101另一成員周諾恆表示，舊式噴霧只會令皮膚灼熱十多分鐘，新式更持久，「13個鐘後冲凉仲痛緊，今次掃射六秒，中到十幾廿個人，無論質同量都好強勁。」他又指當時示威者根本不可能移動到水馬，警方毋須施放重型椒炮。
嶺南大學學生Willis中椒後，皮膚麻痹及紅腫，但中環廣場男女廁離奇斷水，惟有到急症室求醫，「7.1晚仲㷫緊，一冲凉就好次中多次椒咁痛。」《蘋果》記者