鍾鎮濤同女友范姜所生嘅兩個囡囡鍾懿同鍾幗越大越精靈，范姜噚日中午就帶住兩個囡囡去中環太子大廈一間舖頭掃童裝，實行幫囡囡添夏裝扮靚靚，范姜行埋店舖櫃位準備埋單時，鍾懿同妹妹鍾幗就喺店入面玩到好興奮，仲周圍走，連工人都控制唔到佢哋，最後要由媽咪范姜出馬，佢抱起細女鍾幗，將兩個囡囡隔開。