鄭伊健和蒙嘉慧（YoYo）拍拖七年多屢傳婚訊，昨日YoYo穿上婚紗行騷，即被指在下月3日生日好事近，YoYo雖否認，但坦言將來婚禮會在望海的地方舉行，配合愛海的男友，認真細心。而伊健昨日獲林穎嫺送上育兒書，但卻明言不會生BB。
蒙嘉慧昨日到尖沙嘴TheOne行婚紗騷，曾表示喜歡黑色婚紗的她，獲設計師NoelChu為她度身訂做。主持梁思浩突然爆一句：「嚟緊係YoYo好日子喎，下月3號。」YoYo露出驚訝表情說：「係呀，我生日嘛，快啲同我講生日快樂。」梁思浩再故弄玄虛說：「講唔講得㗎？」YoYo再答：「梗係講得，記得送禮物。」
提到下月3日好日子，YoYo澄清說：「生日咋，平時生日都唔慶祝，仲點會喺呢日搞嘢，嗰日我要開工拍劇，未必放到假。」至於是否真的會穿黑色婚紗結婚？YoYo笑言未必會着，又坦言將來結婚想在看到海的室外場地舉行。至於伊健曾指在世界末日前結婚，似是指12月21日，YoYo說：「啋，咁快末日，我啱啱拍完劇都未播，總之唔會咁趕。」
林穎嫺教伊健湊B
另邊廂，伊健昨日到奧海城出席老友林穎嫺的新書《育兒成功秘笈》記者會，林穎嫺向伊健送上新書並笑言：「希望你用得着。」伊健笑言：「實用嘅書一定用得着，對於好似我呢啲坐唔定嘅人，用外國嘅方法就最好。」此話是否表示會跟YoYo結婚生BB？伊健說：「我咪講咗，唔會喇。」林穎嫺指伊健仍未帶YoYo跟她見面，他解釋：「佢出書忙，YoYo又有劇拍，我知佢哋兩個咁啱係同一間中學。」
採訪、攝影：譚倩宜、汪芷寧