陳奕迅（Eason）、林峯和謝安琪昨日在紅館為青年大匯演擔任表演嘉賓，談到好友劉浩龍與容祖兒傳出戀情，Eason說：「我睇過吓啲新聞，但係呢排要做巡迴，所以冇見面。」Eason力撐師兄不是抽水：「佢唔會因為咁而博上位，作為朋友同旁觀者，都冇資格評論，就算對朋友有好感又點，我對祖兒都有好感，有好感唔一定要拍拖。」
冇聽師兄拍拖
記者指師兄已經承認戀情，Eason說：「我冇聽師兄話拍拖，我亦都冇睇電視。」至於有指何韻詩與師兄反目，更取消微博的關注，Eason表示：「我好少睇網嘅嘢，婆婆教我要親身去睇先可以去信，我夠成日取消人喇，時間可以證明一切，佢哋三個都係我朋友，我都話如果有需要訴苦同畀意見，隨時打畀我。」
採訪：王連連 攝影：陳志嵐