龍年為雙閏年宜嫁娶，結婚酒席十分緊張。有新人提早一年訂酒席，卻遭酒家以裝修為由簽轉場地文件，如拒絕「硬啃」非理想場地則要賠八成定金。另一對新人也因酒樓臨急通知裝修，被迫退定或改場地。兩對新人大失預算，同呻「得番幾個月時間，仲點搵酒席？」法律界人士提醒簽文件時，切記保持頭腦清醒。
記者：陳詩雅
陳小姐與未婚夫伍先生打算今年11月30日假旺角新世紀廣場皇廷酒家擺20圍酒席，去年9月已到酒樓落定，每席約5,000元，當時經理有指可能會裝修。二人先落定20,000元，尚餘10,000元尾期再付。
她說，今年1月中接獲酒樓通知落實要裝修，仍指能如期交場，但游說他們簽一份轉換場地文件，「佢口頭話都係想保險啲，轉場嘅安排只係簽定先，職員嘅語氣令我哋以為冇問題，最後都應該可以喺番旺角擺酒」。但文件指可供九龍灣或尖沙嘴粵海分店選擇，二人無奈簽署及選了粵海。
酒樓有拖延之嫌
至5月初，伍先生收到職員再來電要求將酒席轉到粵海，「但粵海樓下有卡啦OK同酒吧，環境好雜，就算佢話送一晚酒店房，都冇興趣。」二人拒絕轉場安排，惟酒家卻搬出合約條款施壓，「要扣成16,000蚊定金，問過消委會話最衰係我哋簽咗份同意書；但我哋懷疑酒樓一早知要裝修，可能入稟小額庭追」。最後幾經辛苦才找到另一酒家擺婚宴。
皇上皇集團回覆，得知商場裝修後已立即通知受影響客人。但未有回應本報查詢何時知道商場裝修的消息。該公司又指陳小姐到粵海分店視察後不滿及拒絕接受，但根據合約條款一旦客人在不少於4個月內取消場地，仍須收取八成定金。
另一對新人的佳期受酒樓臨時通知裝修而泡湯。吳先生與未婚妻陳小姐今年2月到觀塘煌城宴會廳訂11月18日婚宴，擬開16、17席，每席逾7,000元，並付定金15,000元。
惟5月下旬，二人接獲酒家通知因裝修，未能如期交場，着他們取回全數定金。陳小姐質疑為何等至5月才通知要裝修，認為酒樓方面有拖延之嫌，令她難以找其他酒家辦婚宴。「好彩我未印帖、訂化妝同婚紗，唔係嘥晒啲錢。」
煌城宴會廳經理指，曾向投訴人提供集團屬下另一間唐人佳海鮮火鍋酒家設宴，惟遭拒絕，故發還全數定金解決事件。
檔案編號：0526051、0603033
話你知
「唔明就唔好簽」
立法會議員兼婚禮監禮律師鄭家富指，一旦簽署白紙黑字合同，較難追討賠償，「除非係被誤導或有壓力下簽署，好似嗰啲旅遊會籍、健身會籍咁，困住你幾個鐘，咁就有力啲，不過一般婚宴酒樓都唔會咁」。他提醒新人辦喜事也要保持清醒，不要心急，「唔明就唔好簽，可能酒樓會話個場好旺，揀好就要快，但簽之前可問吓律師或者消委會意見，簽咗冇得返轉頭」。
社會服務
◆匿名投訴恕不處理。一經投訴，本報保留刊登權利
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網址： http://charity.appledaily.com.hk