7.1遊行之後，好多人約埋去睇波，睇吓兩隻歐豬點砌。結果西班牙以4:0擊潰意大利，繼08年奪得歐國盃、2010年贏埋世界杯後，再一次捧走大賽錦標，破盡紀錄；王子費蘭度托利斯，更加洗去「廢托」污名，以三個入球同最少上陣時間，攞埋個金靴獎㖭，認真威威。
西班牙呢排好似真係有運行，好似上個禮拜舉行嘅歐盟峯會咁，經過馬拉松式嘅討論後，最終同意設立單一監管機構管理歐元區銀行，批准歐洲穩定機制（ESM）向銀行直接注資，最開心嘅梗係西班牙政府啦，因為啲銀行債唔使上身嘛。華華希望，有咗呢條大水喉之後，政府真係會洗心革面，唔好再亂使錢，兼搞番好個經濟，好似國家足球隊咁，踢番場好波啦！