郎朗前晚在灣仔會展舉行「愛國愛港愛家」音樂會，邀得李克勤、古巨基及謝安琪（Kay）等做嘉賓，克勤表示03年已與郎朗合作，他說：「之前我帶個仔探班，等佢知乜嘢係大師級。」壓軸出場的基仔自言首次與郎朗合作說：「之前喺活動見面就只係sayhi，今次合作就交咗朋友，噚晚仲一齊睇波。」
拒夫妻檔
Kay表示郎朗想見她的兒子，她笑說：「個仔好勁，之前劉詩昆話教我個仔彈琴，家又有鋼琴大師見佢，如果佢想學就最好，但係佢遺傳咗老公rock嘅性格，都唔肯靜靜彈琴。」Kay又表示自己的去向要稍後才公佈，雖然老公想她加盟金牌做同事，不過兩公婆分開發展亦不錯。
採訪：譚倩宜 攝影：陳俊強