《人物專訪》
舖位價格飛升，有近二十年炒舖經驗的梁紹鴻（譽為「舖王」之一的大鴻輝），指街舖過熱，乏投資價值。直言街舖難玩，其花近十年買入的尖沙嘴海防道近乎三分一街舖，也因街舖「投資價值低」，難再擴大版圖，因而主攻商場舖、發展酒店及服務式住宅。
記者：程俊華、林志光
梁紹鴻於90年代已炒舖，近兩年幾近絕迹地舖市場，未有雄心再擴展持貨版圖，直言「家舖位投資價值好低！」。
現為大鴻輝興業主席的他，全港持有大大小小舖位約150個，包括尖沙嘴海防道、廣東道等黃金靚舖，保守估計市值超過250億元。不過近年已大幅減少買賣舖位，他指「點解減少買舖投資？因為家啲舖真係炒到貴晒，毫無投資價值！」
靚舖當古董等收租
雖然梁紹鴻可說是海防道地舖大業主，早於千禧年左右已積極入市該地段，儲貨十多年。但近年他已放棄高價搶舖策略，就算上月海防道有地舖以近4億元易手，他亦未有出手入貨。
他指，舖價狂升，近年每有成交都有錢賺，令不少投資者垂涎，「參與嘅人多咗，自然越炒越貴」。由於地舖租值升幅不及買賣價，令回報率相當不合理，一厘都未必有，所以投資價值甚低。不過，持有的旺舖將不會貿然出售，「靚舖尤如古董都係好罕有，賣咗唔係咁易買得翻，不過唔同嘅係古董唔會每個月有租收」。
「舖位係用嚟長線投資，千祈唔好炒！」梁紹鴻淡然道出投資心得。雖然炒舖可在短時間獲得可觀利潤，「但絕對唔及得將舖位用心包裝，搵到好租客，提升租值咁開心！」
半年斥15億掃商場舖
就如海防道42至44號及漢口道55號一列舖位，六年前租客只是民生消費品，後來優化至現時便利店、手袋店、鐘錶、藥房、時裝及找換店等承租，合共月租不足180萬元。但最近打算六個舖位合一，由周大福珠寶（1929）以每月260萬元預租，租值大幅提高。
基於舖價太癲，梁紹鴻反而對大樓面商場情有獨鍾，過去半年斥資15億元掃入旺角星際城市及荃灣英皇娛樂廣場商場。「因為成個商場可以慢慢執靚佢，租金仲有大把升值潛力！」當然，最令梁紹鴻津津樂道之作，便是與黎永滔合作購入旺角朗豪坊對面的前文華戲院，改造成MPM商場，租金由200萬元大幅提升至1000萬元。
梁紹鴻在九七回歸前夕，夥友好斥資超過兩億元狂掃旺角10個舖位，其後樓市爆煲，有8個舖撻定收場，「唔見幾千萬，投資地產以來最傷，不過好彩斬纜斬得快」。
03年，「啲舖價得翻高峯期三份一，係入貨好時機，呢段時間差唔多一個月入一件貨。」經過逾十年儲貨，大鴻輝現持有約150個舖位收租，核心舖位不計其數。
梁紹鴻早有部署將物業長期持有，在06年購入北角萬事昌大廈後，便租予Shama作為服務式住宅。近年開始自行發展酒店及住宅項目，位於灣仔皇后大道東的第一個酒店項目將於年底落成，何文田單幢樓加多利峯料明年入伙。
