【本報訊】「保證處女，保證一年內如跑包換……」一個月前，《蘋果》直擊越南新娘殺入香港的情形，引起不少坊間話題。
一個月後的今天，記者跟進近年多個港越「閃婚」家庭，發現這些「5,000蚊娶處女」的個案，大多都是一個噩夢，其中有人不但「老婆跑了、錢被偷了，更發現自己竟然不是她的唯一老公。」
「我娶越南妹係貪佢夠平囉，幾千蚊就搵個老婆，仲可以即時留港居住。」55歲人稱輝叔的港漢張嘉輝，2年半前經婚介中心，閃電娶了24歲的越南女阿香，兩人相差31歲。
不料婚後不久，阿香就開始要錢，如果給不夠，就出言譏諷「人哋邊個邊個，又寄錢返越南；你係咪我男人呀，咁都唔肯畀！」其後阿香更開始借故早出晚歸，甚至在外度宿。
輝叔一忍再忍，去年四月為阿香辦理居港三年的擔保手續後，她即要求離婚。「我唔肯，佢就走咗了！」輝叔稱，其後發現家中抽屜被人撬開，三萬多現金、價值四萬多元金飾及手錶失去，曾經報警，但不了了之。
「捉隻老鼠入米缸」
「婚介中心話越南新娘個個勤力賢慧，我以為娶返來可以幫手打理屋企，估唔到係捉隻老鼠入米缸。」輝叔不忿地說：「佢哋嘅目的就係一張身份證。」
十多年前喪妻的輝叔獨自養大一對子女，為了找個伴解寂寞，去婚姻介紹中心相睇，因為娶越南新娘費用平，並可即時留居香港，而且「保證一年內走佬包換」，所以答應幫襯，首個相睇對象就是阿香，雖然雙方的年紀相差一大截，但因為「佢好好笑容；雖然大家語言不通，但通過眼神同手勢都勉強可以；見佢都唔嫌棄我老咪即時應承婚事。」
輝叔稱：「當時帶佢去旺角行街，又帶返屋企見下仔女；一個星期後就辦妥結婚手續，之後仲同佢辦埋居港擔保等手續。」為了哄她開心，輝叔更經常帶她去買時裝，又送她手提電腦、金飾等，樣樣服侍周到，怎料落得如此下場。
去年初，阿香返越南探親回港，輝叔發現她的行李中藏有與其他男子的親密照，大發雷霆後，阿香承認在越南已有老公。他才如夢初醒，「呢啲根本就係騙婚。」