江若琳、阿牛同惠英紅日前為《結婚那件事之后》電影舉行拜神儀式，江若琳着件deepV喱士紗裙現身，現場仲好細心咁幫阿牛同戲中BB撥頭髮，問到佢再次同阿牛合作，會唔會有好激烈嘅情慾戲，江若琳就話：「今次會講我同阿牛生咗一個仔，既然連仔都生埋，應該唔會有啲更激烈嘅場口。」江若琳仲話最難係同小朋友拍戲：「其實嗰個BB先係呢套戲嘅大明星、老細，因為最難控制佢嘅情緒。」