《祖師戀之大發晦氣》
容祖兒與劉浩龍的戀情公開後，是非未停過，昨日祖兒在大球場出席回歸騷時，被「情敵」蔡卓妍（阿Sa）戲弄，更笑言下次輪到鍾欣桐（阿嬌）與何韻詩傳緋聞。阿詩前晚則在澳門出席頒獎禮，未知是否情傷太深，決絕表示自己會孤獨終老。
何韻詩近日因祖師戀大受打擊，前晚她在澳門出席「第十二屆華語音樂傳媒大獎」時得獎，僅以OK來形容心情，記者指她重現笑容，她無奈地說：「畀着你吖。」對於昔日好兄弟劉浩龍遭網友狂插，阿詩漠不關心說：「唉……唔評論喇，講任何嘢都變第二樣嘢。」她坦言希望私下解決事件，不想公開交代。
阿Sa玩祖兒
對於傳與舞台劇拍檔鄧九雲相戀，問阿詩會否公開另一半來平息事件？她竟狠下心腸說：「永遠都唔會有另一半，我會孤獨終老！」阿詩強調工作如常，稍後在港演出的《賈寶玉2012》舞台劇，鄧九雲的角色不會有變。
另一邊廂，容祖兒同樣心情麻麻，昨日她在大球場出席回歸騷時，竟被「情敵」蔡卓妍玩謝。有指師兄曾追求阿Sa，祖兒昨日為免自製新聞拒與阿Sa合照，並說：「唔好搞咁多嘢，收手啦，你哋照問，我冇嘢答。」怎料阿Sa一見祖兒即大叫：「情敵呀！」祖兒惟有拉埋鍾欣桐一齊合照，但阿Sa不願收手，指住阿嬌說：「我同師兄傳（緋聞），下次你同阿詩傳。」搞到阿嬌皺眉說：「啋！」祖兒也扁晒嘴說：「你（阿Sa）真係太high喇。」
不敢三人行
祖兒接受訪問時，繼續避談祖師戀，問她是否與師兄分手？她說：「哎吔，唔講呢啲。」她表示忙於放狗及工作：「連見阿媽時間都冇。」與師兄感情難維繫？她無奈回應：「呢啲唔答。」她強調與阿詩友情不變。
問到會否約阿詩和師兄食飯？祖兒說：「遲啲，家好忙，不如我約你哋（指記者）吖，呢啲唔使你哋幫我諗。」祖兒與阿詩口徑一致，表示希望事件快些平息：「咁多封面都一樣，過晒氣喇。」
此外，劉浩龍連日來為新劇開工，昨日759阿信屋facebook上載了一張師兄的相片，見他高舉V字勝利手勢，看來師兄已成為祖師戀的大贏家。
採訪﹕王連連、李珮洳
攝影﹕黃偉雄、陳志嵐
