歡樂時光過得特別快，又同長假講拜拜，但大家毋須「初四咁嘅樣」，因作為股民嘅你同我，今日應一齊開香檳，為《心戰》結局後首個交易日慶祝。雖然「秋官效應」唔科學，但邪就邪在恒指喺套劇播出期內創今年新低，去到18056點。秋官第一集句對白「震撼穹蒼」應驗，港股真係「震倉」。上星期五大結局，港股先行彈高；菲菲日望夜望「七翻身」，冇咗秋官套劇更易可成真！Cheers！
菲菲真心覺得《心戰》係三色台罕有佳作，內容有深度，演員演技好，片尾以沙畫配合劇中人物心聲作結，更加係Marvelous。菲菲記得一句：「世界上最令人失望嘅事，係你以為好了解一個人，但某一天，你先發現你從來冇認識過佢。」每次聽，心有戚戚焉。以為現代美容（919）發盈喜會好景？誰知盈喜不見被玩死，接連有中資股被唱衰，消息真假？WHOKNOW？菲菲建議目前咪博洗倉股反彈，求穩陣可吼領匯（823），上周創新高，又可炒私有化概念，可等回至10日線下時買入。
Fifi
本欄逢周二、四刊出