莫文蔚（Karen）前晚在三號風球杜蘇芮高掛下，在銅鑼灣收工遇上車禍要送院急救。莫媽媽證實Karen被的士司機撞傷臀部及左手臂，幸無裂骨。Karen不想父母擔心，昨日早上才通知父母，莫爸爸即為Karen搽莪朮油退瘀，而莫媽媽感激兩名路過熱心市民冒雨幫助女兒報警。
莫文蔚（Karen）前晚約十時，三號風球杜蘇芮高掛下在銅鑼灣完成工作，即打算由司機接送返家，當時正步向新寧道交界，被的士司機撞傷，由途人代為報警叫救護車，送到灣仔律敦治醫院檢查驗傷，證實無大礙，已由司機送返家中休息。
謝途人助擋雨
記者就此事向其母親莫何敏儀求證，她證實Karen遇上車禍，在電話向記者表示：「佢驚我哋擔心，今朝先通知我哋，我同佢爹哋去咗佢屋企睇過無乜事。」
莫媽媽向記者轉述意外經過：「Karen做完嘢，行去新寧道搵佢司機，點知咁細條路有的士轉入嚟無減速，好彩Karen眼角見到反應快，用手擋住部的士，不過都將佢成個人拋咗去後面，個司機知撞到人即刻落車睇，同埋有兩個好心地市民幫手報警call白車，等緊期間，又用傘幫手遮住，後尾白車去咗律敦治，真係好多謝嗰兩位熱心市民。」
屁股瘀手踭損
問到Karen的傷勢，莫媽媽表示：「照咗無裂骨，唔使縫針，唔使留院，返咗屋企休息。佢怕我哋擔心，所以到今朝先話畀我哋知，我去睇佢，Karen佢個patpat撞瘀哂，同埋左手踭損咗一大截流血，今朝佢爹哋幫佢搽莪朮油同紅藥水。」
採訪：楊浩賢
