ByTheWay，講到工人音樂，又點少得了英國的民謠先鋒BillyBragg。呢條友，本來玩Punk，躁狂那種，參軍後，轉性，走咗去玩民謠，仲係BobDylan那種政治取向。退伍後，無嘢撈，惟有走去唱片店打工，理所當然繼續玩音樂，演唱自己的政治和愛情睇法。83年，終於有機會出版單曲《Life'sRiotWithSpy》，仲上到英國流行榜30位；84年的處女專輯《BrewingUpwithBillyBragg》令呢個無乜人識嘅民謠歌佬正式成名。之後，BillyBragg開始出現在各種左翼分子的集會和各種罷工活動中，足迹踏遍整個英倫三島，並且幫助組建了由音樂人組織的政治團體RedWedge。這個時期嘅佢，正式代表了英國工人的聲音。到咗85年，一曲《NewEngland》就講出了英人對革新嘅期盼。不過作為英殖民地嘅香港嚟講，只得好少人知道BillyBragg嘅存在同影響力。鬼咩，當年香港工廠紛紛北漂，執得就執，工會文化亦唔普遍（工聯會又係畀班左仔玩晒）。論音樂，所謂民謠，香港人只識區瑞強或者Peter,Paul&Mary，連Dylan都只得一首《Blowin'InTheWind》叫做hit過吓，呢位咁激嘅「工人之音」又點會多知音，對班廠佬嚟講，香港有「工廠之花」已經夠晒囉！
撰文：曾凡