徐子淇前晚穿上露腰裝，在跑馬地出席周國豐與太太代理的床褥品牌活動，周國豐捐50萬元給徐子淇的基金會。
見徐子淇臉尖消瘦，她卻謂身形差不多，反而最近多吃糉，睇波又食消夜，是否陪老公李家誠睇波？她說：「佢陪我，我喺英國讀書已經鍾意睇，今晚（前晚）全家飛英國，睇直播唔使捱夜。」
徐子淇謂香港報料熱線太厲害，故不敢帶仔女行街和瞓公園，今次趁外遊過正常生活，她說：「帶囡囡坐巴士同火車，喺草地除鞋感受大自然，平時冇理由喺維園除鞋。喺香港會着潛水衣，喺外國就着少啲。」她向大女晞彤解釋狗仔隊愛拍照，愛攝影的女兒問自己是否記者，她笑稱女兒是記者仔。
採訪：盧妹
攝影：林德雄