戀上賭王千金何超雲的陳山聰，昨日突然在微博說：「究竟一個高層的主要工作係sell自己？定係sell吓啲product呢？」惹來揣測是寸無綫高層樂易玲。樂易玲昨日表示一頭霧水，但就反寸陳山聰說：「如果佢真係好想同我哋結束合約關係，冇問題。」
港姐昨日在尖沙嘴舉行活動，司儀陳百祥、曾志偉和無綫高層樂易玲亦有出席，活動上宣佈張名雅奪得航空大使獎。戀上何超雲的陳山聰，目前跟無綫仍有3年多合約，一直有傳他有意跟無綫提前解約專心做賭王女婿，亦有消息指他跟無綫無限期凍結合約，日前樂易玲承認山聰正在無限期請假。
陳山聰示威
但山聰昨日凌晨忽然在微博說：「究竟一個高層的主要工作係sell自己？定係sell吓啲product呢？」隨即惹來揣測此人是樂易玲。對此樂易玲表示：「我唔明呀，你問番佢指乜嘢？」問到山聰與無綫現時關係，她說：「佢請咗假，佢同我哋講暫時唔接工作，要搞生意，佢係我哋artist，佢又冇undershow，如果有嘢啱會搵佢。」樂易玲稱山聰已經有大半年未有拍劇，亦是時候找他研究：「如果佢真係好想同我哋結束合約，冇問題，咪大家傾吓，冇理由佢想從商，勉強叫佢去拍戲咩，或者佢覺得適合做生意多啲。」
明日便53歲的樂易玲昨晚在銅鑼灣一間餐廳舉行生日會，身穿紅衣的樂小姐7時多到場，問到有沒有邀請陳山聰？她說：「嘩，唔好玩佢啦！」而陳山聰昨晚與富貴女友何超雲在壽星婆生日P附近晚餐，問到可會過場賀樂易玲，陳山聰說：「係咩，幫我同佢講生日快樂，我唔過啦，餐廳裏面仲有朋友，幫我恭喜佢。」提到他微博留言揶揄樂易玲，他黑臉冇回應，其後安排人送了一支酒給樂易玲。
採訪：何慧斯、黃曉妍
攝影：黃偉雄
