前港姐林穎嫺噚日喺新城受訪，宣傳佢本講育兒心得嘅書，佢一去到電台就話：「唔好意思今日着得咁求其！頭先先陪完仔女溜冰！」今日搞新書發佈會嘅林穎嫺好緊張天氣問題：「如果掛八號風球就取消，希望唔好。因為鄭伊健會嚟支持我，再約就好難！」講到今屆港姐質素，林穎嫺話整體唔錯，仲寄語班師妹唔好咁緊張輸贏，要以學習心態參賽。