財政部國債雖則來勢洶洶，本港一般市民卻熱情欠奉。本報昨午訪問逾十名市民，普遍對認購國債興趣不大，主要問題並非來自債券息率的吸引程度，而是市民對人民幣及國債認受性不足。
「有多餘錢才認購」
平日有投資股票的蘇小姐（圖）表示，自己並無任何人幣資產，今次都不會認購國債，「呢啲產品唔知係咪靠得住啊？冇乜安全感囉，等發多幾次先啦，我要睇耐啲，仲需要時間認識同消化，最好多啲教育同市場分析啦。」
同樣無興趣認購國債的黃先生說，「唔關收益事，我連人民幣戶口都冇，係對人民幣冇信心啫。等人民幣實現國際化，完全自由兌換，我先會考慮買入呢啲人民幣產品。」
不過，從事證券業的徐小姐則稱，之前曾買過國債，「2.38厘嘅息率普普通通啦，有多餘錢可以攞嚟買，我都有廿幾萬嘅人民幣存款……認購幾多就仲要考慮吓。」