一、唐英年挖深咗，曾蔭權使大咗，梁振英僭多咗。三個都……咗，阿爺特許由何俊仁做……影子特首。
二、梁振英狼狽賣樓，破釜沉舟搬入禮賓府，磨爛蓆賴死連任到第N屆。
三、禮賓府內部都有日本鬼子僭建物，屋宇署一視同仁，擇日清拆。
四、10個豪宅11個有僭建，特首自比第12個。一力承擔的意思是，從七一開始，急市民所急，前無古人，每日瞓街，瞓身親民。瞓街第一擊，趕走「佔領中環」的市民，瞓喺滙豐總行，化身梁總，KO任總。
五、吊雞車是唐、梁剋星，闊佬聞雞色變，從此，吊雞車被自殺。
六、從山頂到九龍塘，心曠神怡，一脈相連……這不是樓花廣告，內地業主，小心筍盤。
七、僭建下一round，輪到西環做主角。
七a、感情缺失vs無心之失，投票給兩位「雙失」的千二個選委，失……？