農夫成員之一陸永嘅太太Rainah（泳娜），之前慘被流出婚前佢同Rap仔曲赤嘅舌戰情慾照，陸永即時挺身而出力撐老婆Rainah，之後，不時傳出陸永同老婆離婚嘅消息。雖然陸永已經澄清咗，噚日又有讀者報料話陸永老婆走咗佬，話陸永接受唔到老婆Rainah嘅親密照，搞緊離婚手續，個B女就已經交咗畀陸永媽咪湊，陸永梗係又即時出嚟否認話：「我同老婆感情都唔知幾好，大家唔使諗住造謠生事破壞我哋。」