職業球員在球季內每日也踢波，而收操後會否像一般球迷，經常睇波當娛樂？原來不少球員都並非如想像中瘋狂，絕不會場場睇，最多是選擇性看大戰便算。
力撐西班牙奪冠的前港隊中場黃鎮宇，新季將轉到乙組東方任教練兼球員；雖然球季結束，目前沒甚麼工作，但今次歐國盃只看幾場直播：「以我踢波十幾年所見，本地球員其實並不太投入睇波，始終開波時間太過夜；就算球季完咗，亦冇可能場場睇，僅選擇大戰來觀看。」
睇完半場睡魔急call
他表示，像今屆歐國盃，頭兩場無綫都有直播，無奈都看不足全場：「早前有前隊友約出去酒吧睇葡萄牙對荷蘭嘅分組賽，睇完半場已經走人；之前想在屋企睇英格蘭對瑞典，點知開住電視也頂不住睡魔，最終又是瞓着咗。」
宇哥笑言，以往球員時代在大型賽事，已經是揀波嚟睇：「當年施丹最當打嘅時候，就一定會睇他為法國隊踢嘅比賽，因為佢實在太好波，真的值得球員去欣賞同學習。施丹退役後，確實睇少咗大型賽事直播。」本報記者