英格蘭對意大利8強戰互射12碼階段，觀眾席有一名英軍球迷露「蕉」（小圖右），力圖邪住意軍中場迪亞文迪最後一射；呢位仁兄亦被英國傳媒起底。原來佢叫添奧尼爾（圖），係年僅35歲嘅年青商人，家住值600萬鎊（約7,200萬港元）嘅豪宅，仲同英軍後衞泰利同屬一區㖭，難怪咁有錢去到基輔捧英軍場啦。添奧尼爾接受訪問時表示，佢發功不成，迪亞文迪仍然射入，佢就好失望；而懷住8個月孖胎嘅老婆，喺英國睇完報紙就覺得佢嘅瘋狂行為好好笑。