英格蘭喺歐國盃8強出局，射手朗尼變咗眾矢之的，估唔到連前教頭卡比路（圖）都走出嚟抽水。呢位意大利名帥就明寸朗尼，話佢只係對曼聯領隊費格遜唯命是從，喺國家隊就變咗好似語言不通咁：「睇完英格蘭幾場比賽，我諗朗尼應該淨係識聽蘇格蘭話，因為佢永遠都只係可以喺曼聯踢得好，喺嗰度，費格遜都係講蘇格蘭話。」