陳展鵬、田蕊妮及阮兆祥主演嘅無綫劇《衝呀！瘦薪兵團！》收視報捷，有份演出嘅喬寶寶喺重慶大廈請班演員食印度餐，李霖恩仲帶埋太太同囡囡出席。陳展鵬話收視再升，會跟祥仔擺三、四十圍請觀眾及幕後人員食飯慶祝。陳展鵬升呢做一線小生，佢謙虛咁話：「我未夠成熟，要廣大市民認同先得。」有傳陳展鵬同姚嘉雯分手後，李綺雯同李詩韻為佢爭崩頭，陳展鵬否認接陳豪棒做筍盤王：「我阿媽同阿姨就爭我。」