德國準決賽大戰意大利前夕，前鋒普多斯基就夥拍科隆為基地嘅樂隊BRINGS，出咗隻單曲「Halleluja」（圖）。我求大俠上網睇過首歌MV，普多斯基着住件白tee，打條紅花呔，造型已經好老土；呢位科隆王子仲要老牛咁聲，就算唔識德文，都覺得佢歌喉麻麻哋。歐國盃之後，普多斯基好大機會隨阿仙奴嚟香港，本地廠迷或者可以搵吓有冇呢隻碟賣，到時畀佢簽名。