夏文汐噚日喺尖沙嘴TheOne出席美容品牌活動，分享面部蘋果肌、虎紋、唇注射透明質酸後嘅感受，佢接受打針多於開刀整容，亦唔怕變成硬膠樣，佢話：「冇晒表情接受唔到，打之前都問過好多人意見，使唔使騷啲表情畀大家睇。」夏文汐接受注射個幾月，追求嘅係自然，佢話：「唔會想打到個唇好豐厚，醫生話呢啲唔算整容，係護理嘅一種，打到冇晒紋又唔自然。」但夏文汐話絕對唔會打針打上癮。