李姿霆（Karen）十年前與年齡相差27載的鞋王鄧劍群相戀，繼而被納為三奶，09年Karen搭上港男黃長發，遭鞋王興訟追討四個物業，法庭前日宣判，Karen結果分得1,100萬。對於鞋王稱案件極具教育意義，李姿霆也反擊地說：「我都覺得有意義，有人送嘢，要做啲功夫唔好被攞番。」並謂已當鞋王為路人甲，直言：「呢個人好差。」
李姿霆與年近七旬的鞋王鄧劍群的官司，前日獲判匡湖居獨立屋一半業權、保留一個辦公室物業，鞋王可取回1,200多萬元資產，Karen可分得1,100萬元，Karen昨日接受商台電話訪問，對於法庭今次裁決，她說：「正確，我冇睇到報紙，只係有朋友打電話嚟恭喜我，同我講先知道佢嘅反應。」有指經過七除八扣後，Karen手頭上的資金所餘無幾，Karen表示今次官司大約用了100萬，會否覺得物有所值，她說：「我又冇咁諗過，我唔會介意佢講乜嘢，佢有佢嘅想法。」
唔需要鞋王養
談到鞋王表示每月都有付生活費照顧八歲女兒，但並沒打算與女兒見面，Karen說：「佢咁樣對個女，天會知，個女同佢有血緣關係，我唔會同個女講，我唔想個女知道個爸爸咁樣對佢，令佢受到傷害。」問到日後的生活，她說：「其實都掹掹緊，我追佢啲錢都係用嚟養BB，我唔係佢嘅人，唔需要佢養我。」她又表示不覺得收了鞋王很多名貴首飾。
對於鞋王稱案件極具教育意義，因為「即係將層樓寫咗女人個名，都可以攞得番」，對此Karen說：「我都覺得有意義，會勸人唔好做第三者，有人送嘢，要做啲功夫唔好被攞番。」至於目前的感情生活，Karen沒有正面回答：「我家生活好開心，好舒服，我會畀心機湊女。」
嫌黃長發細路
當年因為鞋王導致與黃長發分手，但現在Karen也堅決不會與黃長發復合，她說：「我都係鍾意啲成熟嘅男人，唔想再湊細路仔。」有否再與鞋王見面，她說：「我喺街上撞見過佢幾次，但已經冇感覺，當佢係路人甲，呢個人好差。」
採訪：唐如