中信泰富前主席榮智健姪女榮文蔚，早前涉嫌遭男模顧志雅盜用信用卡，事件演變成她涉訛騙被捕，她跟顧志雅的親密合照更曝光。榮文蔚昨晚與老公阮偉文恩愛現身中環活動闢謠，阮偉文用行動表態信任太太，但就不肯做訪問解畫。同場陳山聰和何超雲否認合作做製衣生意，但陳山聰被問到離開無綫，就煞有介事拒回應。
榮文蔚前年疑遭男模兼助手顧志雅盜用信用卡狂碌30多萬報警，警方調查後，懷疑榮文蔚不滿顧志雅媾女而報復報警，變成涉嫌訛騙被捕候查。榮文蔚昨晚和老公阮偉文一同在中環出席LandmarkMen活動，兩人恩愛地十指緊扣現身，兩夫妻看來心情輕鬆，但榮文蔚被問到案件即封口：「遲啲先傾。」即時走入場內VIP區。
超雲山聰冇合作
何超雲和陳山聰拍拖出席，女模Jocelyn與老公恩愛到場，JessicaC.更性感非常。有傳山聰約滿無綫不做，他即不肯講：「唔方便透露，家有良好嘅關係。」但他曾被無綫雪藏，山聰即扯開話題：「由拍拖開始已經好多傳聞，我哋都習慣，會開心一齊面對。」他不斷強調自己有固定、穩定的工作，但又沒講內容。
有指超雲打本給陳山聰開製衣廠，超雲即搶答：「我覺得好好笑，冇人開工廠囉，話我哋開製衣店。」會分清錢銀？超雲即說：「情侶拍拖有唔同時期，現階段未有合作計劃。」
寸劉浩龍冇溝通
近期容祖兒和劉浩龍男卑女尊的戀情，備受批評，超雲就以過來人身份說：「情侶拍拖最緊要開心，唔好理人哋眼光，人生要有樂趣，追求自己鍾意嘅。」更忍不住暗寸劉浩龍率先引爆戀情：「作為一個公眾人物，應該溝通咗先，再出嚟講。」提到兩人戀情公開初期，陳山聰長期被認定是被包養，陳山聰聽完強顏歡笑：「傳聞係傳聞，事實只有我哋兩個人知。」
採訪：梁錦雯
攝影：黃文偉