粵劇界近年積極培訓新演員，八和會館會長汪明荃當然不遺餘力，噚日佢去到油麻地戲院欣賞一班新進學員演出，阿姐透露八和嘅新計劃：「我哋嚟緊喺下月17號會演出130場新秀演出，同72場畀旅行團包場睇嘅旅遊場，粵劇發展基金每年撥款380萬，李居明再捐出100萬，有資金之餘亦希望畀新人多啲演出機會。」至於聖誕檔期，阿姐仲會喺新光戲院暫定舉行十場演唱會。