王晶早前狂踩今年候選港姐水準差，冇樣貌又冇身材，而身為港姐倫敦外景評判的陳百祥（阿叻）反駁指他有白內障，又批評他未有捧紅過任何藝人，兩人似勢成水火。
親手捧紅
昨日王晶不忿再在微博留言鬧爆阿叻說：「那位陳先生問我又捧紅過些甚麼人？想了一想：邱淑貞，朱茵，林熙蕾，舒淇，鄭伊健，張家輝！我記起了，八十年代我還憑兩部《青蛙王子》捧起過一位今天可能因已六十二歲，記憶力退化的人。他叫做陳百祥！」王晶當年更開拍以阿叻為主角的《我愛羅蘭度》成功捧他上位。
隨後王晶再留言：「心情很灰，多年來以為推心置腹的朋友，居然用極難聽的話攻擊我。也許我真的是傻下傻下，人家經過多年鑽營，早已自居唔使撈的富豪級，我這種又窮又要四圍撈，白內障都冇錢醫的茄喱啡，怎能高攀自認是人家老友呢？以後會自量，只做個觀眾，在電視上瞻仰巨星豐采。見到面也不敢打招呼咁大膽了。」接着王晶再舉出鍾楚紅和佘詩曼為例，再踩今屆港姐全沒懾人光采。
撰文：丁寧