一直是人民幣擁躉的科大經濟系主任雷鼎鳴，05年已開始投資人民幣定期存款，剛開始時更在銀行設定每日自動兌換2萬元人民幣，至今已有七位數字人民幣存款。他坦言，「當港紙相對人民幣猛咁貶值，揸港紙即係蝕本」，反而「人民幣大趨勢仍然係上」。
他表示，「05年義無反顧咁買人民幣」，全因當時人民幣從「好多個角度睇係被低估」；更重要是「人民幣係逐步升，所以唔驚買得慢咗」，05至08年人民幣每年升值逾6%，所以「人仔係一個低風險加中低回報嘅投資」。
不過，隨着人民幣與合理水平的差距收窄，人民幣升值速度放慢。他直言，人民幣「呢一兩年未有咁好食」，加上目前金融市場風高浪急，所以現時「唔敢瞓身（投資人民幣）」。
縱橫投資界30年的東驥基金管理董事總經理龐寶林，同樣是本港早期的人民幣粉絲，至今四分之一身家都是人仔。第一次兌換人民幣要追溯到92年，當時儲人仔主因看中內地房地產，「嗰時喺深圳南沙買樓好平，落定只需一千蚊人仔，好多個單位幾年內轉手都賺成10倍」。
七一為乜上街？請到蘋果日報facebookfanpage投票吧：
http://www.facebook.com/questions/10151071597587448/