「為人」雖然參加選美輸咗，但惹火身材加上儍更更嘅性格，喺娛圈都算幾吃得開，好快就被賞識，有機會參演遊戲節目同拍劇。早前仲跟咗「遊戲王」成班人出埠拍特輯，關仁聽講佢臨出發前專登約埋「兩蚊」揀泳衣。身材咁惹火嘅為人，梗係要揀啲最少布同最艷麗嘅三點式泳衣晒料啦，但兩蚊驚遊戲王班人太癲，怕為人俾人掟落水時，連條泳褲都甩埋，到時喊都無謂，於是好心提醒為人加番條短褲打底。但為人一臉冇有怕，仲話去得玩就要搏到盡，似乎深明着得越少布越搶鏡嘅道理，都唔知真儍定扮天真？撰文：關仁