「你可以唔用我啲稿，但係全個稿件幾乎被改晒！我從事新聞行業40年嚟，今次係第一次。」筆名「夫子」的時事評論員劉銳紹，今年3月撰文評唐英年與梁振英的特首選戰時，原文寫明「兩個都揀唔落」，卻被《成報》高層擅自改成「寧揀梁振英」，令夫子憤然擲筆，至今他仍心中有氣。
「近年有好多傳媒，本來佢講嘅嘢都有人信，但越係要變『紅面關公』，本身已有的中立形象就冇咗，最後就冇晒影響力。」89年六四時擔任《文匯報》記者的他，仍堅守已故《文匯報》社長李子誦的16字原則「有喜報喜、有憂報憂，有善必揚，有惡不隱」。
即使報館的前線記者致力捍衞及堅持新聞自由，可惜報館老闆的意志薄弱，「當老闆、領導層要靠內地食飯，驚影響經濟收入時，即係控制住你咽喉，你叫大聲啲、細聲啲都被控制住。」
七一為乜上街？請到蘋果日報facebookfanpage投票吧：
http://www.facebook.com/questions/10151071597587448/