【本報訊】候任特首梁振英的僭建醜聞仍有多個疑團未解，建制派小罵大幫忙，一眾梁班子準局長齊護短，認為不涉誠信問題。而曾為梁振英站台的屋宇署前署長鄔滿海、前立法會建築、測量及都市規劃界議員劉炳章則為梁解畫，認為擁有測量專業資格的梁振英不知僭建不足為奇。
記者：張岳弢、盧文烈、林俊謙
盛傳出任食物及衞生局長的高永文昨接受查詢時表示，不認為事件涉梁的誠信問題，「好難想像特登知道（僭建），而係當做冇或者冇話畀人聽，我諗唔係，我喺媒體睇番嚟都唔係咁」。他又說，梁振英已坦然承認錯誤，並就僭建道歉及答應妥善處理，是應有態度，故若應邀加入新班子時，不會因此影響決定。
挺梁專業人士幫手解畫
下任環境局長熱門人選黃錦星是建築師，對於事件是否涉及梁的誠信問題，他態度觀望，未有瞓身護主，指暫未有足夠資料評論，仍須詳細了解事態發展。至於會否因此而影響加入新班子，他指未有考慮，但說「誠信係一個考慮」。盛傳將出掌教育局長的吳克儉則以正在駕駛為由，表示不方便回應，記者指稍後可再致電查詢時，他說：「你問一啲我可以答嘅HR（人力資源）問題啦，好唔好？」
不僅準局長未有批評，曾為梁振英站台、擁有相關屋宇、測量專業背景的支持者也護短。屋宇署前署長鄔滿海表示，雖然曾到訪梁振英山頂大宅，但不知道有僭建，「除非拎住圖則，唔係去朋友屋企，一般唔會留意」。對於梁振英雖擁有測量資格，竟不知僭建問題，他則有保留，「咁要睇吓邊樣嘢，若果係條例詮釋，就要求專業啲，若果係睇圖則，就應該冇問題」。他指雖然僭建規模不大，但始終是僭建，當局要跟進。他又表示，梁已就事件公開道歉及承認疏忽，已作交代。
另一名來自該專業界別的支持者，前立法會建築、測量及都市規劃界議員劉炳章認為，事件不存在誠信問題，指梁振英並無預謀僭建，亦無隱瞞，故相信他只是疏忽。「我去過大宅好多次，但都冇留意到樓梯底嘅空間」，又指「就算係屋宇測量師冇圖紙喺手，都唔會知有冇僭建」。
鍾逸傑耍手擰頭拒回應
對於梁指曾找專業人士檢視，劉炳章估計若是在去年3、4月前進行，有可能因此毋須拆走，因為當時屋宇署採取較容忍態度，而梁部份僭建屬未有入則的構建物，容許補回申請。他形容梁不能卸責，「當然插人一刀又係插，插兩刀都係插，都係有錯，唔可以抵賴，咁佢都無抵賴。」
形同梁振英「太傅」的前布政司鍾逸傑對記者提問耍手擰頭，以不知道事件為由拒回應，且邊說邊撥開電視台的咪，轉身離去，記者追問是否後悔為梁站台或僭建是否涉梁誠信，他轉身拒答不予理會。