「唐英年爆出（商台）續牌施壓事件後，好似好易代入去『因為要續牌就炒我囉』；我唔用陰謀論去睇封咪事件喇，只可以講，我個節目係會生金蛋嘅鵝，佢都取消嘅話，炒我一定唔係商業因素。」事隔九年，大班鄭經翰再談被封咪，罕有地避忌。
「監察政府嘅人一定寂寞，唔好諗住有人幫你抬橋；我哋要自己去發揮功用，爭取群眾支持。」大班深信，最重要始終是群眾壓力，如發生任何干預到核心價值、言論自由的事，「好簡單，挺身而出，參與好緊要。」大班表示：「以前有啲人可以組織、甚至煽動啲人上街，亦可以叫停佢哋；家叫佢哋（上完街）走？睬你都儍，做乜要聽你呀！」昔日他被老闆干預而「失聲」，今天做了數碼電台老闆，近月卻捲入打入自己電台烽煙節目，「指點」主持人陳景輝的「干預風波」。這，又是否有點諷刺？
七一為乜上街？請到蘋果日報facebookfanpage投票吧：
http://www.facebook.com/questions/10151071597587448/