朱玲玲月前率先開腔承認兒子霍啟剛今年將與郭晶晶結婚，她昨日在昂坪表示後悔第一個證實兒子婚事，害了愛兒成為追訪目標，昨日她只肯說已跟晶晶的父母傾過婚事，將於香港、北京兩邊擺酒。至於準新郎霍啟剛昨日現身另一活動時，瘦了一圈，他為結婚努力喼弗已見效。
慧妍雅集昨日於昂坪舉行慈善步行活動，永遠榮譽會長朱玲玲獲老友葉蒨文撐場一起出席，同場有港姐趙雅芝、王愛倫和張嘉兒等。準奶奶朱玲玲昨日心情大好，問她兒子的婚禮進度如何？她說：「佢哋自己做咗好多，都有問我意見。」婚期是否11月11日？她只說：「等佢哋自己宣佈，上次我第一次講，搞到有記者等佢哋，係我害咗佢哋。」是否已跟晶晶的父母談婚事？她說：「香港冇見過，北京見過都傾過。」
葉蒨文讚晶晶
有指晶晶來港住在朱玲玲的家中，朱玲玲否認：「佢嚟住都歡迎，但如果係都唔會認。」她又否認晶晶身在香港。她又透露啟剛已計劃擺酒地點，因晶晶生於北京，故婚禮將於香港、北京兩邊搞。她表示不心急抱孫，笑言由兒子決定，不過她喜歡小朋友，可以與晶晶分享湊仔經。
葉蒨文表示未收到請帖，更希望啟剛快點造人，葉蒨文說：「我睇住啟剛大，細細個已經一齊周圍去，聽佢結婚都嚇一跳。有見過晶晶一兩次，好靚又靜、又斯文佢兩個生BB一定好可愛，啟剛細個眼仔睩睩。」
霍震霆四萬口
此外，朱玲玲的前夫霍震霆與兒子霍啟剛昨日出席在迪士尼舉行的奧運活動，將榮升新老爺的霍震霆，四萬咁口，他表示會到倫敦看奧運，問看完奧運是否飲新抱茶，他只報以微笑。問到啟剛婚期是9月還是11月？霍震霆也口密地叫傳媒問回兒子。霍啟剛則於儀式將結束時才出現，現場見他已為結婚積極減肥，問他的婚期時，他只回應不想談私人事。
採訪：盧妹、何慧斯
攝影：陳慧安、陳俊強
