正喺北京拍攝電影《目擊》嘅郭富城，之前向劇組請咗一日假，去內蒙為佢擔任代言人嘅手錶品牌新店剪綵，今次係城城繼當年拍劇集《成吉思汗》20幾年後再踏足內蒙。新店開張嗰日，好多城迷去見偶像，要大會出動近百保安為佢開路。城城當然要去嘆正宗嘅蒙古全羊宴火鍋，不過因為身體未好番，所以只能食少少，不過佢都大讚好味同正宗。