離開無綫之後嘅王喜，日前接受甘國亮主持嘅《亞視百人》訪問，講到演戲咁多年，佢經常傳出同其他人不和同擅自改劇本嘅消息，王喜話：「因為合約嘅緣故，我每年只會拍一套劇，所以希望盡力做好，想加新嘅元素，所以有時會自行潤飾啲劇本。」王喜又話自己一年一度拍劇集，同啲人唔係咁熟，搞到每年返去拍劇集都唔開心，自己都好無助。